Coronavirus: दिलासादायक बातमी: महाराष्ट्रातील करोनाग्रस्तांपैकी आत्तापर्यंत १५ जणांना डिस्चार्ज

परळी वैजनाथ
Spread the love

Coronavirus: दिलासादायक बातमी: महाराष्ट्रातील करोनाग्रस्तांपैकी आत्तापर्यंत १५ जणांना डिस्चार्ज

राज्यात करोनाने थैमान घातलं असताना दिलासादायक बातमी समोर आली आहे

राज्यात करोनाने थैमान घातलं असताना दिलासादायक बातमी समोर आली आहे. एकीकडे करोनाचे रुग्ण वाढत असताना त्यांच्यावर यशस्वी उपचार होत असून रुग्ण बरे होत आहेत. आरोग्यमंत्री राजेश टोपे यांनी दिलेल्या माहितीनुसार, आतापर्यंत १५ कोरोनाबाधित रुग्णांना घरी सोडण्यात आलं आहे. बुधवार पुण्यात दोन करोनाबधित रुग्णांना घरी सोडण्यात आलं. तर मुंबई आणि औरंगाबाद येथील एका रुग्णाला घरी सोडण्यात आलं आहे.

दरम्यान, राज्यात कोरोनाबाधित रुग्णांची संख्या १२४ झाली आहे. मुंबईत एक आणि ठाणे येथे एक रुग्ण आढळून आला आहे. नवी मुंबई आणि ठाण्यात प्रत्येकी एक रुग्ण आढळल्याने करोनाग्रस्तांची संख्या १२४ वर पोहचली आहे. बुधवारपर्यंतही रुग्णसंख्या १२२ होती. आता दोन नवे रुग्ण आढळल्याने ही संख्या १२४ वर गेली आहे. आरोग्यमंत्री राजेश टोपे यांनी ट्विट करुन ही माहिती दिली.

Leave a Reply

Your email address will not be published. Required fields are marked *