लॉकडाऊनच्या तिसर्‍या टप्प्यात बीडचं काय होणार? जिल्हाधिकार्‍यांच्या निर्णयाकडे लक्ष

देश-विदेश
Spread the love

दुसर्‍या टप्प्यातील लॉकडाऊनची कालमर्यादा आज मध्यरात्री बारा वाजता संपत असताना दुसरीकडे केंद्र सरकारने तिसर्‍या टप्प्यातील लॉकडाऊन दोन आठवड्याने वाढवले आहे. त्यामुळे तिसर्‍या टप्प्यातील लॉकडाऊन बीड जिल्ह्यासाठी जैसे थे असेल की जिल्हाधिकारी राहुल रेखावार बीड जिल्ह्यासाठी वेगळी नियमावली बनवतील याकडे जिल्ह्याचे लक्ष लागून आहे. सध्या बीड जिल्हा हा ऑरेंज झोनमध्ये असून पाच ते सहा तारखेला जिल्हा ग्रीन झोनमध्ये जाण्याची ९९ टक्के शक्यता आहे. आज पावेत जिल्ह्यात एकही कोरोनाबाधीत रुग्ण नाही आणि गेल्या दोन टप्प्यातील लॉकडाऊनमध्ये जिल्हावासियांनी शिस्तीचे मोठे पालन केलेले आहे. अशा परिस्थितीत तिसर्‍या टप्प्यात बीड जिल्ह्याला विशेष सूट मिळते का याकडे सर्वांचे लक्ष लागून आहे.

Leave a Reply

Your email address will not be published. Required fields are marked *