तुळजानगर महिला मंडळाच्या हळदीकुंकू कार्यक्रमास मोठा प्रतिसाद

परळी वैजनाथ
Spread the love

तुळजानगर महिला मंडळाच्या हळदीकुंकू कार्यक्रमास मोठा प्रतिसाद

वीरजवान आणि देशप्रेमावरील रांगोळीचे महिलांनी केले कौतुक

परळी वैजनाथ (प्रतिनिधी) सध्या महिलांच्या हळदी कुंकवाचे कार्यक्रम गल्लोगल्ली सुरू आहेत. या कार्यक्रमातही सामाजिक आणि देशहित आणि भारतीय जवानांबद्दल आदर व्यक्त करणारे देखावे सादर केले जात आहेत. तुळजानगर महिला मंडळाने हळदी कुंकवाच्या निमित्ताने रांगोळीतुन साकारलेल्या देखाव्याने दर्शकांची मने जिंकून घेतली तर हळदी कुंकवाच्या कार्यक्रमास महिलांनी मोठा प्रतिसाद दिला.
सध्या मकर संक्रांतीच्या निमित्ताने गल्लोगल्ली हळदी कुंकवाचे कार्यक्रम केले जात आहेत. बहुतेक भागात गल्लीतील महिला मिळुन कार्यक्रम ठेवत असुन या माध्यमातून अनेक संकल्पना साकारल्या जात आहेत. महिलांवर्गातही सामाजिक, सांस्कृतिक आणि राष्ट्रभक्तीची जोपासना करण्याकडे कल असल्याचे दिसून येत आहे. वेगवेगळ्या भागात वेगवेगळ्या विषयाला न्याय दिला जात आहे. तुळजानगर भागातील महिलांनी मिळुन हळदी कुंकू आणि तिळगुळाचा कार्यक्रम ठेवला. यावेळी महिलांनी बहुचर्चित असा सर्जीकल स्ट्राईक वर आणि शहीद जवानांवर रांगोळीच्या माध्यमातून देखावा साकारला होता.
हळदी कुंकवासाठी आलेल्या महिला आवर्जून देखावा पाहून रांगोळी काढणार्‍याचे कौतुक करत होत्या. तुळजानगर भागातील महिलांनी मिळुन हा कार्यक्रम ठेवला होता. विशेष म्हणजे येणाऱ्या महिला आणि सर्वासाठी आल्पोपहारही ठेवण्यात आला होता. या कार्यक्रमाला महिलांनी मोठ्या प्रमाणावर हजेरी लावली. हा हळदी कुंकवाचा कार्यक्रम रात्री उशिरापर्यंत सुरू होता. महिलांचा प्रतिसाद हा संयोजकांचे मनोधैर्य वाढविणारा होता.
हा कार्यक्रम यशस्वी करण्यासाठी सौ. यमुना नावकेकर, सौ. आशा रूईकर, सौ. पुजा कुरकुट, सौ. हरिबाई वाळके, सौ. शामा चिल्लरगे, सौ. विमल दहिभाते, सौ. प्रतिभा सुरवसे, सौ. पुष्पा घुले, सौ. अन्नपूर्णा सोरडगे, सौ. जयश्री हंगरगे, सौ. संगिता बेजगमवार, सौ. दिपाली हंगरगे, सौ. आयोध्या हंगरगे, सौ. सोनाली वाळके, वैशाली रूईकर आदींनी परिश्रम घेतले.

Leave a Reply

Your email address will not be published. Required fields are marked *