छत्रपती शिवरायांच्या विचारातील राष्ट्र घडले पाहिजे – गोवत्स प.पू.श्री. राधाकृष्णजी महाराज

परळी वैजनाथ
Spread the love

छत्रपती शिवरायांच्या विचारातील राष्ट्र घडले पाहिजे – गोवत्स प.पू.श्री. राधाकृष्णजी महाराज

कथास्थळी बालकांनी घेतलेल्या देवांच्या वेशभूषा पाहण्यात भाविक दंग

परळी वैजनाथ(प्रतिनिधी)दि.२२- आजच्या पिढीला व्यसनाचा विकार जडला आहे.युवक वर्ग व्यसनमुक्त झाला तर आतापेक्षा काही पटीने आपले काम करेल असा संदेश गोवत्स प.पू.श्री. राधाकृष्ण महाराजांनी व्यासपीठावरून दिला.छत्रपती शिवरायांच्या विचारातील राष्ट्र घडले पाहिजे असे परखड मत त्यांनी यावेळी मांडले.तृतीय दिनी परळीतील नंदधाम-हालगे गार्डन वैद्यनाथ मंदिर परिसरात दि.२० ते २६ जानेवारी दरम्यान योगेश नंदकिशोर जाजू व श्रीमद् भागवत कथा ज्ञानयज्ञ समिती द्वारा आयोजित कथा विवेचन करत असतांना ते बोलत होते.

व्यसनाधीन होत चालली आजची पिढी आहे,त्यातले काही महाभाग तर भगवान शंकर भांग सेवन करतात म्हणत व्यसन करतात.मात्र भगवान शंकर जी भांग सेवन करतात ती विजया औषधी ससून ही औषधी फक्त कैलास पर्वतावर सापडते इतरत्र कुठेही ती दिसतही नाही.त्यामुळे आपल्या व्यसनासाठी देवदेवतांचे नाव वापरणे चुकीचे आहे.हिंदवी स्वराज स्थापन करणारे शिवराय मुघलांच्या दरबारातही पवित्र गंगा सोबत ठेवत त्यांनी कधी स्वतःला कुठलेही व्यसन जडू दिले नाही,त्यांचा आदर्श युवकांनी घेतला पाहिजे.तसेच देशासाठी प्राणांची आहुती देणारे भगतसिंग-राजगुरू सुखदेव,वासुदेव बळवंत फडके,मदनलाल धिंग्रा,अश्फाक उल्ला खान यांसह अनेक देशभक्तांनी व्यसन विरहित काम केल्याने त्यांना देशसेवा करता आली असे प्रतिपादन राधाकृष्ण महाराजांनी केले.

भगवंताच्या कथेने श्रोत्यांचे मन स्वच्छ होते त्यानंतर भक्त कथेलाच आपलं घर मानतात.ज्याप्रमाणे भटकलेल्या व्यक्तीला आपले घर वापस मिळाल्यावर आनंद होतो त्याचप्रमाणे भक्त कथेसाठी व्याकुळ असतो.दिवसाची सुरुवात चांगल्या विचाराने करा मग तुमचा दिवस चांगला जाईल.तृतीय दिनी कथाविवेचानात सती चरित्र,ध्रुव चरित्र,भरत चरित्र,अजमिलोद्वार,नृसिंह अवतार अशा कथा भागांवर महाराजश्रीनी प्रकाश टाकला.
प्रारंभी व्यासपूजनाने कथेची सुरुवात झाली.द्वितीय दिन कथा समाप्ती वेळी मुख्य यजमान व प्रमुख पाहुण्यांचा हस्ते भागवताची आरती करण्यात आली.यावेळी भाविक भक्त मोठ्या संख्येने उपस्थित होते.

-चौकट-

कथास्थळी बालकांनी घेतलेल्या देव देवतांच्या वेशभूषा पाहण्यात भाविक दंग

गेले दोन दिवसांपासून राधाकृष्णजी महाराजांच्या सुमधुर आवाजातील कथा श्रवणात मंत्रमुग्ध होत आहेत.शिवाय कथास्थळी बालकांनी घेतलेली देवांची वेशभूषा मनाला आकर्षित करताना दिसत आहे.तृतीय दिनी पिहु श्रीकांत जाजू,राघव व रुद्र शिवप्रसाद मानधने,वेदांत आशिष काबरा,चिंतेश दत्तप्रसाद तोतला,योगीराज योगेश तोतला,श्रीवेदी दत्तप्रसाद तोतला,अखिलेश अमर तापडिया यांनी राम-सीता-लक्ष्मण-हनुमान या देवतांच्या रुपात पाहायला भेटले.

Leave a Reply

Your email address will not be published. Required fields are marked *